ტრენინგკურსის მიზანია:

ცოდნის გაზიარება საჯარო სექტორში ფინანსური აღრიცხვა-ანგარიშგების მარეგულირებელი კანონმდებლობისა და სსბასს-ის მოთხოვნების შესახებ.

მსმენელები გაეცნობიან სამოქმედოდ მიღებული სსბასს-ის სტანდარტების საფუძველზე საბიუჯეტო ორგანიზაციების მიერ შემოსავლების, ხარჯების, აქტივების და ვალდებულებების აღრიცხვის სპეციფიკას ინდივიდუალური და კონსოლიდირებული ფინანსური ანგარიშგების თითოეული კომპონენტისთვის.

ტრენინგკურსი განკუთვნილია:

• სახელმწიფო ბიუჯეტის დაფინანსებაზე მყოფ საბიუჯეტო და მხარჯავ ორგანიზაციებში დასაქმებული საფინანსო განყოფილების თანამშრომლებისთვის;
• ავტონომიური რესპუბლიკის საფინანსო/საბიუჯეტო სამსახურებში დასაქმებული პირებისთვის;
• ადგილობრივ თვითმართველობებში საფინანსო/საბიუჯეტო და მომიჯნავე დარგებში დასაქმებული პირებისთვის.

ტრენინგკურსის გავლის შემდეგ მსმენელი შეძლებს:

• სააღრიცხვო თეორიის სხვადასხვა ასპექტის პრაქტიკაში გამოყენებას;
• ფინანსური უწყისების (მათ შორის, კონსოლიდირებული) მომზადებას და ინტერპრეტაციას; 
• სხვადასხვა ოპერაციისა და მოვლენის ასახვისათვის სსბასს-ის კონცეფციების, განმარტებების, აღიარების კრიტერიუმების, შეფასებისა და წარდგენის მეთოდების მისადაგებას.

ტრენინგის ღირებულება: 700 ლარი