საჯარო აუდიტის ინსტიტუტის ორგანიზებით სხვადასხვა საჯარო უწყების 17 თანამშრომლისათვის  „Agile პროექტების მართვის” ტრენინგი ტარდება.

სასწავლო კურსის მიზანია მსმენელებისთვის პროექტების მართვის კლასიკური და Agile მეთოდოლოგიის ძირითადი მიდგომებისა და ტექნიკების გაცნობა, პროექტის მართვისა და კოორდინაციისთვის აუცილებელი საბაზისო უნარების გამომუშავება, მათ შორის, მონიტორინგის და კონტროლის, სტრატეგიული კომუნიკაციის, მოლაპარაკებების წარმოების და გადაწყვეტილების მიღების უნარები.

კურსს პროექტების მართვის ინსტიტუტის საქართველოს ფილიალის პრეზიდენტი ლელა მაჩაიძე უძღვება.

ტრენინგი 9 ოქტომბერს დაიწყო და 13 ოქტომბერს დასრულდება. კურსის დასრულების მსმენელებს სერტიფიკატები გადაეცემათ.