საჯარო აუდიტის ინსტიტუტმა გერმანიის საერთაშორისო თანამშრომლობის საზოგადოებას (GIZ) კვლევითი ანგარიშის პრეზენტაცია წარუდგინა.

პრეზენტაციაში ასახული იყო ის ძირითადი მიგნებები და რეკომენდაციები, რომელიც ინსტიტუტმა პროექტის - „ადგილობრივ თვითმმართველობებში სახელმწიფო აუდიტის სამსახურის მიერ გამოვლენილი ფინანსური მენეჯმენტის პრობლემების ძირეული მიზეზების ანალიზი“ ფარგლებში შეიმუშავა.
 
პროექტში საჯარო აუდიტის ინსტიტუტი 2021 წელს, GIZ-ის მიერ გამოცხადებულ სატენდერო კონკურსში გამარჯვების შემდეგ ჩაერთო. 

გერმანიის საერთაშორისო თანამშრომლობის საზოგადოების (GIZ) მხრიდან პრეზენტაციას ესწრებოდნენ  პროგრამის -  „კარგი მმართველობა ადგილობრივი განვითარებისთვის სამხრეთ კავკასიაში“ -  ხელმძღვანელი და თანამშრომლები, რომლებმაც პროექტში ჩართულ ექსპერტებთან ერთად განიხილეს ანგარიშში ასახული მიგნებები და იმსჯელეს რეკომენდაციების პრაქტიკაში დანერგვის გზებზე.