საჯარო აუდიტის ინსტიტუტმა საჯარო სექტორის ბუღალტრული აღრიცხვის საერთაშორისო სტანდარტების – სსბასს (IPSAS) ონლაინკურსზე პირველი ნაკადის ტრენინგი დაასრულა.

კურსი მსმენელებს დაეხმარა განევითარებინათ IPSAS-ის გამოყენების უნარ-ჩვევები - როგორც ანგარიშის მომზადების, ასევე მისი ინტერპრეტაციის დონეზე. კერძოდ-სააღრიცხვო პოლიტიკის შემუშავება, სააღრიცხვო თეორიის სხვადასხვა ასპექტის გამოყენება პრაქტიკაში, ფინანსური უწყისების შედგენა, მომზადება-ინტერპრეტაცია და სხვა.

ტრენინგის მონაწილეები სხვადასხვა საბიუჯეტო ორგანიზაციის საფინანსო-საბიუჯეტო მიმართულების თანამშრომლები იყვნენ, მათ შორის აჭარის  ა/რ ფინანსთა და ეკონომიკის სამინისტროდან, სამეგრელოს, იმერეთისა და კახეთის მუნიციპალიტეტებიდან, გურიის, რაჭა-ლეჩხუმისა და ქვემო სვანეთის სახელმწიფო რწმუნებულის ადმინისტრაციებიდან, ასევე სოფლის განვითარების სააგენტოდან და შპს "ბლექ სი არენა ჯორჯია"-დან.

სასწავლო კურსი 27 მსმენელისთვის ორ ჯგუფში პარალელურ რეჟიმში მიმდინარეობდა. დისტანციურ კურსს უძღვებოდნენ სახელმწიფო აუდიტის სამსახურის კვალიფიციური აუდიტორები და საჯარო აუდიტის ინსტიტუტის ტრენერები ბესიკ ქოჩიაშვილი, მარიამ და გიორგი ჭოლოკავები.