საჯარო მოხელეებისთვის სავალდებულო პიროვნული და პროფესიული კომპეტენციების განვითარების კურსი ოქტომბერში 17-მა საჯარო მოხელემ გაიარა. 

დისტანციურ კურსს ხობის, ჩხოროწყუს, მარტვილის, ბაღდათის და თეთრიწყაროს მუნიციპალიტეტების მერიების თანამშრომლები ესწრებოდნენ.

სასწავლო კურსის განმავლობაში მსმენელები რამდენიმე მოდულს გაეცნენ: საჯარო სამსახურის ეთიკა; ადმინისტრაციული წარმოება; ეფექტიანი მომსახურება და დროის მართვა; პროფესიული კომუნიკაცია, თანამშრომლობა და გუნდური მუშაობა.

კურსის დასრულების შემდეგ მსმენელებმა გამოცდა ჩააბარეს და შესაბამისი სერტიფიკატები მიიღეს.