საჯარო აუდიტის ინსტიტუტმა, გერმანიის საერთაშორისო თანამშრომლობის საზოგადოების (GIZ) თანამშრომლობით, „მოხელის მენეჯერული უნარების“ ტრენინგკურსი დაიწყო. 

სასწავლო პროგრამა, რომელიც განკუთვნილია საჯარო სექტორში მომუშავე I და II რანგის მოხელეთათვის, ხუთ მოდულს მოიცავს: ეფექტური კომუნიკაცია, მართვა და ლიდერობა, ღირებულებები საჯარო სექტორში, ცვლილებების მართვა, ადამიანური რესურსების მართვა. 

ტრენინგკურსს, რომელიც  ონლაინრეჟიმში, პლატფორმა Zoom-ის მეშვეობით მიმდინარეობს, 17 მსმენელი ჰყავს. რვა მათგანს სწავლას გერმანიის საერთაშორისო თანამშრომლობის საზოგადოება ( GIZ)  უფინანსებს. 

ჯგუფი დაკომპლექტებულია სახელმწიფო აუდიტის სამსახურის,  საქართველოს რეგიონული განვითარებისა და ინფრასტრუქტურის სამინისტროს, აფხაზეთის ა/რ-ის საჯარო უწყებების, იმერეთში სახელმწიფო რწმუნებულის ადმინისტრაციისა და საგარეჯოს, სენაკის, თეთრიწყაროს მუნიციპალიტეტების წარმომადგენლებით.